اللى اختشوا ماتو

بسم الله الرحمن الرحيم

طبعا كلنا عارفين المثل اللي بيقول " اللي اختشوا ماتوا " هم فعلا ماتوا
من زمان .
انا النهارده عايز اتكلم في موضوع الغيره بس مش الحكايات بتاعت
الافلام وقصص الف ليله وليله .
لا الغيره اللي انا بتكلم عليها هي الغيره علي الاهل وعلي البيت .
اللي هي ضاعت وتوفاها الله من بتاع خمناشر تمناشر سنه " الله يرحمها "
امثله .....
الاخ لما يدخل اوضه اخته ويلاقيها ماليه الحيطان بصور تموره حسني
وحاطه السماعات علي ودانها وسرحانه مع اغنيه " عنيه بتحبك وقلبي
بيحبك دا يبقي ايه " دا يبقي مياصه وقله ادب ..... ومع ذلك يبقي فاتح
بقه بابتسامه عريضه ويقول انتي مش هتسيبك من تامر بتاعك ده
( وركزوا علي كلمه بتاعك ) تروح هي تقوله انا بحب تامر جدا يروح
باصص لها زي الاسد ويقول ايييييييييييه بتقولي ايه دا هيثم شاكر
برقبته .
الله عليه راجل ولا كل الرجاله .
ولا لما المذيعه تقابل الراجل ومراته في الشارع وتسأل مراته انتي بتحبي
مين من الممثلين تقولها احمد عز يروح البطل اللي جمبها يقول بابتسامه
عريضه وانا كمان ( حاجه تشرف )
ولا الممثل نفسه والامثله كتيره يبقي بيتفرج عي العرض الخاص بتاع
الفيلم بتاع مراته ويلاقيها طول الفيلم في حضن البطل وهو
كوووووووووووووووول ولما البطل يبوسها في اخر الفيلم ( وطول الفيلم كمان ) تلاقيه وقف بيسقف ومبسوط وبيقول بفخر مبروك يا حبيتي عقبال
الفيلم الجاي .
والاب اللي سايب بنته تتعلم وتاخد كل ثقافتها من الافلام العربي والاجنبي .
واللي بيشوف اخته في الجامعه واقفه مع صاحبها وعادي وفي البيت
تسمعه يبقولها يا شوشو هيثم بيتصل عليكي مش دي الرنه بتاعته وهي
تقوله وانت زيزي بعتتلك رساله . حاجه جميله

كفايه
دلوقتي ممكن اعيد سؤال تامر حسني " دا يبقي ايه "
دا يبقي انحلال كل واحد من دول ديوث لا يغير علي اهل بيته ضاعت منه كل معاني الرجوله بل وضاع منه كل شئ
والامثله دي موجوده في مجتمعنا بدون شك واكتر منها كمان .
احنا بقينا كووووووووول علي الاخر نسينا التقاليد وتعاليم الدين ومشينا ورا شعار
" مــــتـــبـــقــــــاش خـــنـــــيــــــق "
فرفش وخلي اللي حوليك يفرفشوا
علي الدنيا السلامه
نسينا كل شئ
انتظركم
قول رأيك وقولي رأيك
ونلتقي

وعلى راى المثل ((على الدنيا السرنكتيه))
اولا مشكور علي الموضوع بس عايز اقولك انت لو قولت لاختك كده هاتقول عليك اهبل وعبيط اما لو قلت كده لابوك هايقولك انت بتعمل نفسك راجل ولو قلت كده لمراتك يبقي السلام هاتقولك مثلا انت تيجي جنبه حاجه وومكن تقولك انتي متجوزني علشان تعيشني في قفص بص كبر دماغك وقفل الكلام علي الموضوع ده زي مافي حاجات كتيره مقفوله من الاحسن تفضل مقفوله وكمان في حاجه في كمان حاجه اسمها حياء وهي تغيير ظاهري يعتري الانسان من فعل مايخاف منه فين حياء الرجل كمان انت بيتك في صور بنات اومغنيات؟ صلح في نفسك بعد كده صلح من اخطاء الاخرين وكفايه كده وبجد الف شكر!!!!!!!!!!!!!!!!!!!!!!

مشكووووووووووووووووووووووووووووووووور على الموضوع الرائع

على ريك ياشيفو الزمن الى احنا فيه ده بقى يعوزبالله عاوز الواحد يعدل الاريل كل شويه