قصص قصيرة (سياسية .رومانسية .بطيخية اي حاجة ماشي)

ياجمال العيد
الاول كانو بيقولو عيد مبارك عيد مبارك . دلوقتي غيروها وخلوها ياجمال العيد
ههههه بجد دا الي هيحصل بعد الانتخابات الجاية

الساعة التاسعة والنصف . المكان: التلفزيون. ........... الحدث:جمال مبارك علي التلفزيون
جمال :انا قولتهالكو قبل كدة انا مش هرشح نفسي انا مش هرشح نفسي للانتخابات ودة قرار نهائي

**تاني يوم نفس الزمان والمكان بس الحدث مبارك الاب علي التلفزيون
مبارك : انا كدة عملت الي عليا حطيط مصر علي اول طرق التقدم بنينا كباري (حطو خطين تحتها) وبنينا مصانع ومستشفيات بنينا جيش قوي . انا بقول لحد هنا كفاية انا كبرت وخلاص فعلاا تعبت وانا ناوي استقيل عن الرئاسة

**تاني يوم المكان : الشوارع الحدث : خروج الشعب في الشارع احتجاجا علي استقالة الرئيس ويطالبوة بالمكوث مدة اخري

**تاني يوم برضة . المكان التلفزيون الحدث : مبارك علي التلفزيون
مبارك : انا بجد اسف بجد انا اسف خلاص انا قررت وخلاص انا مبقتش قادر ونفسي انضم لصفوف شعبي كمواطن عادي لاول مرة من 30 سنة


تاني يوم المكان :الشوارع المصرية الحدث :خروج جماهير غفيرة من الشعب المصري الي الشارع
الجماهير يعلقون لافتات (عايزينك ياجمال عايزينك ياجمال )
ويهتفون غيرك غيرك مش عايزين ياجمال ياحبيب المصرين

تالت يوم كفاية تاني : الحدث جمال علي التلفزيون
جمال : انا مقدر شعوركم نحوي بس احنا مش في مملكة علشان امسك الحكم وانا قولت من زمان اني لايونكن ارشح نفسي

*****خبر عاجل خروج عشرات الالاف الي بيت الرئيس السابق حسني مبارك ويطالبون بجمال مبارك رئيس لهم..............

جمال (في نفس اليوم ) : انا قررت علي مضد ان اقبل ترشيح نفسي للرئاسة واللة يعلم كم انا ابغض هذا المنصب اللذي سيجعلني احرم من حريتي واللة الموفق.
بس الي بعد كدة معروف ........... ها كلامي صح ولا مش

بصوووا بقي ياجماعة احنا هنلعب لعبة كدة كلنا
ان شاء اللة تعجبكووا ]

كل واحد هيكتب قصة قصيرة من تاليفة بس لازم تكون قصيرة علشان محدش يمل او موقف طريف حدث له او حدث الى اى حد يعرفه او سمع عنه
حتى و لو منقول سواء الموقف او القصه بس يشارك معانا

ههههههههههههه حلو حلو قوى الكلام اللى قولته وكمان الفكرة ممتازة