جهزى نفسك عشان العريس

من طرف **نور الفجر** الأحد يناير 17, 2010 11:15 am

يلا يا بنتي جهزي نفسك عشان بكره الساعه 8 جاي عريس يتفرج عليكي!!!!!!!!!!

تصوروا إن الجمله دي فيه امهات بتقولها فعلا وللاسف ياجماعه انا ملاحظة ان فى بنات كتير لور فضت تشوف العريس

يبقى هيه فى حد تانى وتقوم الدنيا ومتعدش للاسف بضطر انى ان معظم البنات يتعرضم للموقف ده

جمله بترخص اى بنت!
عجبته هيشيل
معجبتوش هيكبر
ولو مدخلتش مزاجه يدور علي غيرها ما هو مش خسران حاجه!

يااااااااااااااااااه

للدرجادي غلا الجواز ورخصت البنات!

العنوسه زادت ومش زادت وبس

لا

دي بقت الاساس والباقي اللي بيتجوز بيكون هو الاعجوبه في زمننا ده

*اسئلتي للبنات*

1_ترضي ان عريس ييجي يشوفك ف بيت اهلك وانتي عمرك ما شفتيه؟

2_وهيبقي احساسك ايه وهو هيشوفك لاول مره؟

3_ولو رفضك هتحسي بإيه؟

4_وياتري هتعيدي التجربه دي مره تانيه؟

*اسئلتي للشباب*

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_هيكون احساسك ايه وانت رايح تشوف عروسه لاول مره؟

3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟
ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟

معلش اسئلتي كترت
بس بجد الموضوع ده شاغلني اوى
وحبيت اخد رأيكم
اتمنى الموضوع ينال اعجبكم

من طرف **SUN** الأحد يناير 17, 2010 4:45 pm

موضوع جميل يا نور
بصى بقى انا هقولك الخلاصة
انا عن نفسى عادى ممكن اوافق على حد عمرى مشوفته لمجرد انى قعد معاه واستريحتله خلاص
لكن لاحظى انى عمرى موافق على انسان جاى ميعرفنيش ولا يعرف عنى اى حاجة وجاى يشوفنى اول مرة ليوافق هو ليرفض
على اساس ان الصورة اتقلبت وبقينا نستنا منهم الموافقة دى لا

اتمنى تكون وجهة نظرى وصلت

ومستنين تقولنا انتى بقى رايك ايه ؟

من طرف **نور الفجر** الأحد يناير 17, 2010 4:53 pm

انا بقى يا صن هانم
انتى عارفه اللى فيها
بس استحاله هتجوز بالطريقه ده لازم اكون اعرف الشخصيه اللى قدامى كويس وانتى عارفه الفوله

من طرف **semsema** الأحد يناير 17, 2010 7:55 pm

ايه يا ست نور مواضيعك مالها كده جامدة كدة وجرئية ما علينا المهم رائى
بصى خدى كل حاجة ببساطة ومتعقديش الموضوع عادى يعنى واعرف ناس اتجوزا من غير ما يشوفوا بعض عن طريق الاهل والسمعة الطيبه والحمدلله الجواز ناجح يعنى ماكانش فى بينهم قصة حب
وتقريبا معظم قصص الحب مش بتكمل وبتخلص بالفراق فالافضل عن طريق الاهل والراحة النفسية

1_ترضي ان عريس ييجي يشوفك ف بيت اهلك وانتي عمرك ما شفتيه؟
عادى يعنى لو في راحة نفسية

2_وهيبقي احساسك ايه وهو هيشوفك لاول مره؟

الله اعلم
3_ولو رفضك هتحسي بإيه؟
عادى مفيش نصيب والخيرة فيما اختاره الله

4_وياتري هتعيدي التجربه دي مره تانيه؟ الله اعلم

من طرف **ziko** الجمعة يناير 22, 2010 11:31 pm

انا من وجهة نظرى ان فى ناس كتير بتتعلق بناس اصلا الجواز مبنهم مستحيل وفى الاخر نقول كنت عاوزة اتجوز الشخص الى بحبو طيب دا ازاى وهوة اصلا مش هيقدر يتجوزك لاى ظرف من الظروف ومن اول الارتباط عارفين ان مفيش جواز طيب كان لية الارتباط من الاول
ممكن الحب يجى فى فطرة الخطوبة بس حب ينتهى بجواز الى هوة التعارف وبعدين تعال اخطبنى وبعدين مش عارف اية دا 0.1% منهم بينتهى الحب بالجواز
وبعدين بقا اية الى بنحبو يتجوز مثلا نقول بقا هنعقد فى البيت ونستنا اول واحد يتقدم دا بعد طبعا الى بنسمية جرح سواء بقا الشخص الى جرح شاف عاروسة تانية او مش قدار يتقدم لاى ظرف ما او البنت قلبت الشخص دا اوحاجت مندى
بص عموما النصيب هوة الىبيحكم
اسف ان نت طولت وفى كلام كتير بس مش عاوز اطول عليكم

من طرف **سكر** السبت يناير 23, 2010 12:11 am

انا بقى يا صن هانم
انتى عارفه اللى فيها

ايه اللي فيها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مع سمسمه في كلامها كلام مظبوط 100% زيكو برده كلامه معقول

يلا يا بنتي جهزي نفسك عشان بكره الساعه 8 جاي عريس يتفرج عليكي!!!!!!!!!!

ايه الكلام دا الحجات دي كانت زمان دلوقتي البنت مفتحه وعينيها اد كده( حاجه كبيره يعني)

ادخلو قسم النكت وشوفو يوميات اتنين مخطوبين

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

هو الواحد عايز ايه غير انها تكون حلوه ومؤدبه واهلها طيبن دا كده تمام قوي بس فين دي!

للدرجة دي غلا الجواز ورخصت البنات!

غريب قوي الكلام دا يعني تشوفها في بيتها موعززه مكرمه ولا نتصرمح في النوادي وعلي الكورنيش بحجة نفهم بعض و ونشوف التوافق اللي بينا

انا مش ضد الحب بس لازم يكون حب منطقي يعني محبش واحده وعارف ان ظروفي مش هتساعدني ان ارتبط بيها
اما طريقة الجواز اني اروح اشوف البنت في بيتها انا مش هروح لان الولاد دلوقتي مش زي زمان
بس هي طريقه ناجحه بنسبة 90% اما الجواز علي الطريقه بتاعتك يا نور الفجر فهو فاشل بنسبة 90%

دا رأيي بكل صراحه ارجو ان محدش يزعل
في النهايه بشكر نور الفجر علي الموضوع الجميل والجريء

من طرف **mimo** السبت يناير 23, 2010 1:41 am

والله احنا فى زمن قليل اوى الى بيتجوزو عن حب بسب مغاالات اهل العروس فى متطلبات الجواز.
((دا 0.1% منهم بينتهى الحب بالجواز))
فعلا يازيكو هوا ده حال الجواز الى اولو حب

من طرف **ziko** السبت يناير 23, 2010 11:31 am

طيب انتا يا ميمو ناوى على اية lol!

من طرف **mimo** السبت يناير 23, 2010 1:21 pm

اقعد فى البيت استنا عدلى
ههههههههههههههههههههههههههههه

من طرف **ziko** السبت يناير 23, 2010 1:52 pm

ههههههههههههههه طيب وحيات ابوك انا مش فاضى ممكن تشفلى عدلى معاك بس اوعا تيجى عليا وعموما اول عروسة هتخبط على الباب انتا عارف ردى طلاما من نحيتك يا ميمووو

من طرف **mimo** السبت يناير 23, 2010 2:32 pm

ههههههههههههههههههههههههههههههههههههههههه
ادامى ليك عروسه عندها شقه وعربيه وجهزه من مجميعو

من طرف **نور الفجر** السبت يناير 23, 2010 3:01 pm

منور ياميمو
الموضوع سخن اوى وكويس الشباب والبنات هيستنوا عدلهم والله كويس وابقوا قابلونى لو حد اتجوز

من طرف **semsema** السبت يناير 23, 2010 3:13 pm

ربنا يوفق الجميع يا نور واللى نفسه فى حاجة ربنا يحققهاله

من طرف **ziko** السبت يناير 23, 2010 3:58 pm

انتا كدا خوفتنى يا ميمو شقة وعربية يبقا شكلها عندها 80 سنة يخربيتك شوف واحدة كويسة ياعم والشقة جاهزة ونتا عارف فبلاش تدبسنىى
بس يانور هنتجوززززز بس يعنى يدوب كمان 20 سنةةةة بس

من طرف **mimo** السبت يناير 23, 2010 5:00 pm

والله يازيكو انتا متفئال اوى كمان 20سنه وبعدين العروسه الى جيبهالك عندها75سنه بس

من طرف **Rabko** السبت يناير 23, 2010 10:17 pm

موضوع جميل وحوار ساخن بين الاعضاء
انا من رأيي ان الطريقه دي مازلت من اهم طرق الجواز لكن معظم الشباب غير مقبلين عليها لانهم بيحسو فيها بـ احراج شويه ومش من السهل انه يفاجيء بشكل غير متوقعه بيكون موقف صعب علي الطرفين
ليه اصدقاء اتجوزو بالطريقه دي وعايشين حياة سعيده بالنسبه لموضوع الحب اللي تقصده نور الفجر
في دا حاجه نادرا لما تنجح بس برده موجوده

في النهايه بشكر صاحبة الموضوع نور الفجر وان شاء الله ربنا يوفق الجميع