لو عايز تدخل نت بالموبيل ومش عارف ادخل وشوووووف بسرعه

من طرف **abood_208** الثلاثاء مارس 24, 2009 11:40 pm

طبعا معظمنا مش كلنا بيستخدم نت الموبيل

انا هتكلم دلوقتى للناس اللى متعرفش حاجه خالص و بعدين نتكلم فى الجديد

التلت شركات اتصالات و موبينيل و فودافون بيقدموا خدمه الموبايل انترنت

يعنى تقدر تستخدم الانترنت فى اى وقت طالما رصيدك بيسمح بكده وطالما انت تحت تغطيه الشبكه

من حيث السرعه فوادافون هى رقم واحد فى السرعه سواء تحميل او تصفح

من حيث التغطيه فودافون برضو هى رقم واحد سواء فى الجى اس ام او اليو ام تى اس المعروف بالثري جى

وهنتكلم عن دول بعدين

كان نظام المحاسبه فى فودافون من يوم ما عملوا النت لحد تقريبا كام اسبوع كده

ان مجرد ما بتدخل على الانترنت بيتم خصم 1 جنيه تلقائي من رصيدك و بيديك 5 ميجا فى خلال 24 ساعه

يعنى ايه؟

يعنى انا فتحت الانترنت لسه حالا الساعه مثلا 11.15 ...

ليا لحد بكره برضو الساعه 11.15 5 ميجا اقدر استخدمهم بكل حريه بدون ميتخصم منى اى مصاريف اضافيه على الجنيه اللى تم خصمه اول مره امبارح

ال 5 ميجا دول تعمل بيهم شات .. تتصفح بيهم .. تزل بيهم حاجه انت حر

بس تبقى عامل حسابك انهم 5 ميجا يعنى بيطيروا هوا فتبقى واخد بالك

اى ميجا زياده عن ال 5 ميجا هتتحاسب عليهم بحيث كل ميجا زياده ب 5 جنيه و ده طبعا كتير جدا

يعنى انا مثلا حصيله اليوم طالعه 5 ميجا و 200 كيلو

اول 5 ميجا دول مش هحاسب عليهم غير ب 1 جنيه و ال 200 كيلو .. اقسم الميجا على 5 يعنى هتدفع جنيه كمان زيادة

طب تعرف ازاى انت عملت ايه؟

للأسف الخدمه دى مش موجوده غير فى اتصالات وهو رقم :

*558*4#

الرقم ده رقم مجانى بيعرفك فاضل اد ايه واستهلكت اد ايه عشان تعمل حسابك لكن فودافون مبتقولش

فانت هتعرف بطريقه تانيه

انت تفتح ال Log :
اللى موجود فى الموبيل بتاعك و اللى بيتسيف فيه كل مكالمتاك و المده و كده و تشوف

وهتعمل حاجه اسمها :

filter

هتلاقيها فى الاوبشنز ... دى عشان يجمعلك بس كل اتصالات الانترنت مع بعض

بعد فلتر هتختار :

Packet Data Connections
هيجيلك كل اتصالات مع النت

جمع ال :

Sent + Received

واحسب لنفسك باستمرار

طب فى سؤال مهم:

دلوقتى لو قفلت و فتحت تانى هيخم جنيه تانى؟

لا طالما انت فى خلال ال 24 ساعه مش هيخصم جنيه تانى الا لما تعدى ال 24 ساعه

وطالما انت معدتش ال 5 ميجا مش هيصخم منك اكتر من 1 جنيه برضو فى اطار ال 24 ساعه اللى بتبدأ فى فودافون من لحظه استعمالك للنت

نيجى بقى لاتصالات :

اتصالا بقى النت بيبدأ فيها من 12 بليل

يعنى لو فتحت النت 11.5 بليل هيخصم منك 1 جنيه .... تيجى الساعه 12 يخصم منك جنيه كمان ...

يعنى ال 24 ساعه بتاعتهم مش زى فودفون انت اللى بتحددها لا هى محدده اصلا

عشان كده لو انت اتصالات ظبط نفسك على 12 و ربع مثلا كده عشان متضيعش رصيد ع الفاضى

نتكلم بقى من ناحيه السرعه :

3G:

او الجيل التالت ده طبعا سرعته اعلى بكتييييييييير من الجى اس ام GSM

والجى اس امهو الحامل التقليدى لمكالمات الموبيلات و الرسايل و الانترنت ولكنه بطيء لكن الثري جى معروف بسرعته العاليه جدا اونه بيقدر يتحمل اكتر من اتصال مع بعض يعنى ممكن تتصل واانت فاتح نت لكن فى الجي اس ام اول متتصل النت بيتوقف لحد متخلص و يرجع يكمل تانى طبيعى

طبعا فودافون وصلت ل:

3.5 G

واتصالات
3.75 G

وموبينيل مؤخرا دخلت الي
3G

لكن فودافون اسرعهم فى كل الاحالات و خاصه ان :

3.75 G بتاع اتصالات مبيشتغلش الا على موبيلات معينه و غالبا بتكون اخر موبيلت فى السوق

ولو موبيلك مبيشغل 3.5

اعمله ابديت للسوفت وير وده هبقى اتكلم عنه فى توبيك تانى

موبينيل بقى الحقيقه معرفش نظام المحاسبه فى النت فيها ازاى هل بالكيلو بايت ولا بال 24 ساعه مش عارف بظبط اكيد حد هيرد ويبقى عارف

الجديد بقى فى فودافون : نظام النت بقى اول متدخل يخصم جنيه و يديك 3 ميجا بسسسس بدل 5 ... بس فى قدامها حاجه حلوه ان كل ميجا زياده بقت ب 1 جنيه بدل 5 جنيه يعنى لو استهلاكك كتير اكيد هيوفر عليك كتير اوى

الناس اللى بتحب الشات :

لو عايز تشيت مع اصحابك ع الايميل و تفتح من موبيلك :

افتح متصفح الانترنتا بتاعك فى موبيلك .. افتح السيت ده :

www.ebudd.com

هتلاقى مكتوب فوق

Download Ebuddy to your mobile

دوس عليها واعمله داونلود وستبه و ابدأ الشات

اه فى حاجه اخيراه فى موبيلات كتير الشات بيدخل عليها ببلاش

ebuddy بالتحديد

وبتحصل معايا على طول لانى بقالى حوالى شهرين بدخل بدون مبدفع ولا مليم لكن لو فتحت اى ويبت بيبدأ يخصم

ولاحظت حاجه برضو :

لما بختار الاكسيس بوينت

Vodafone Wap

مبيخصمش فلوس فى الشات لكن اى اكسيس بوينت تانيه زى فواداوفن انترنت بيخصم على طول

فوانت داخل الشات عامه اعمل فودافون واب وان شاء الله ميخصمش معاك

الناس اللى بتحب الفيسبوك FaceBook :

هتدخل عادى خالص بس هو لوحده بيقوم عاملك ريديركت على الصفحه باتاعت الفيس بوك الخاصه بالموبيل وهى نسخه اخف بكتير و بتوفر معاك جامد لان مفيهاش صور و ولو فيها صور فالكوالتى بتاعتها قليله و ولو ساعتك معاك كام الف فى رصيدك هتلاقى تحت اوبشن يرجعك للنسخه التقيله بس اول مترجع قول يا رحمن يا رحيم ع الكريديت

ازاى تشغل الخدمه:

كلم خدمه العملاء عشان تتأكد ان انت هتشتغل معاك بدل ميدوخوك بالارقام اللى يحطوها و فى الاخر مش هتشتغل و هتكلمهم تانى

من طرف **abood_208** الأربعاء مارس 25, 2009 10:07 pm

اللى عايز يدخل النت من التليفون الصينى D3000!!

اولا/ اود اشرح الفكرة
وهى تغير
user agent
والسؤأل هنا كيف يتم التغير
1-نقوم بإدخال الرمز وهو كالأتى
*#3646633#
2-نختار الخيار الخامس وهو misc ثم ok
3-نختار الخيار الحادى عشر وهو wap ثم ok
4- نختار الخيار الثانى وهو user agent ثم ok
5- وهنا التغير نختار Nokia n72 ثم ok
وبكدة نكون غيرنا user agent
كدا تمام
وبعد كدا تتصل بالشركه فودافون او موبينيل
وهنا الموظف بيتاع الشركة هيسألك نوع الموبيل ايه
هتقوله Nokia N72
وهو هيشوفه عنده نوكيا
هيروح باعتلك 3راسايل
تروح حضرتك تسطبهم على الجهاز
وبعدين
تعمل ريسترت
وتفتح الجهاز بعد كدة
وتستمع بالنت

لو عايز تدخل نت بالموبيل ومش عارف ادخل وشوووووف بسرعه

لو عايز تدخل نت بالموبيل ومش عارف ادخل وشوووووف بسرعه

رد: لو عايز تدخل نت بالموبيل ومش عارف ادخل وشوووووف بسرعه