ازاى تعرف انك فى فيلم عربى قديم...(.FULLA)

كيف تعرف انك فى فيلم عربى

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟
المفاجأه انة يرد عليها الحمد لله بقيت احسن
(كدة بالسهولة دي هو واخد حبة البركة ولا ايه )


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما تقول البطله للبطل انها حامل فيرد البطل على طول .. اللي في بطنك ده لازم ينزل
( غالبا بيكون يوسف شعبان )


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما تفاجئ باغنيه مالهاش أي لزمه في نص الفيلم مش عارفة اية العلاقه بين الاغنية والفيلم


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ


عندما يكون من المستحيل ان تجد الهاتف مشغول


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ


العبارة الساذجة الشهيرة التي تصطحب مشهد القبض علي المجرم
(مفيش جريمة كاملة وانت فاكر انك هتهرب من البوليس بعملتك دي)


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما يسكر البطل فتجدة يصب كوب ممتلئ علي اخره
( بيسكر بعصير قصب )


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ




عندما يخرج الطبيب من غرفة العمليات يرد جملة من ثلاث جمل
( اضطرينا نضحي بالجنين )
( شدو حيلكوا يا جماعه )
( العمليه نجحت بس مش هتقدروا تشوفوه دلوقتي )


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما يجلس البطل والبطله في نفس الكازينو بتاع كل فيلم اللي في وش ماسبيرو ، ويطلبوا نفس العصير اللي في كل الافلام
( تانج او ميراندا )
ويخلص المشهد من غير ما حد يشرب حاجة علشان هيتصور بالمشاريب دى فيلم تاني


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما يصاب البطل بطلق ناري في قلبه وتنزف الدماء من بطنه زي صلصلة الكشري
ويظل يتحدث بطلاقه وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل
يبقي ابن مين


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ



عندما تسمع صرير احتكاك كاوتش العربيات اللي بطارد بعض وتقريبا بتبقي
عربيات 128 وماشية حوالي 30 كليو

لازم ندور على الاصل يا فله وافلام زمان كانت لذيذة
عندما يخرج الطبيب من غرفة العمليات يرد جملة من ثلاث جمل
( اضطرينا نضحي بالجنين )
( شدو حيلكوا يا جماعه )
( العمليه نجحت بس مش هتقدروا تشوفوه دلوقتي )

احنا ممكن نجمع من حبة المشاهد دول فلم وهيبقا جامد على فكر مع انو عربى
بس ممكن تقلنا اية عندك بدل كل مشهد من دول علشان نحس اننا فى هوليود
مشكورين على الموضوع

هههههههههههههههههههههههههههههههههههههههههههههههههههههه
موضع اكثر من الرائع مشكووووووووووووووووور على المساهمة الطيبة

شكرا يا فلة على الموضوع الجامد دة واكيد الحياة كلها افلام قديمة ولا يغرك شوية الالوان اللى فى السيما اليومين دول دة اى فيلم عبارة عن نكتة وست حلوة والبطل عايز يفوز بالست وشوية مناظر من اللى يعجبوك وناس تسقف بعد الفيلم وخلاص