موسوعه الرخامه

من طرف **نور الفجر** الخميس يناير 14, 2010 8:19 pm

2- طب ايه هو الحيوان التعيس؟
القطة عشان ديما تخربش ومتكسبش

3- طب ايه الحيوان اللي دايما مشغول؟
الخرتيت .. تيت .. تيت

4- طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها،عمرك شفت حيوان ساب ديله وراح ياكل؟

5- طب ايه اقدم حيوان؟
الحمار الوحشي .. عشان ابيض واسود

6- طب ايه هو اجدد حيوان؟
القنفد عشان بشوكه..والكنغر علشان بكيسه

7- طب ليه التلاجة غبية؟
عشان بتحفظ الاكل .. مبتفهموش

8- ماهي قمة الحيرة؟
يقال لك اجلس في ركن غرفة مستديرة

9- ماهو قمة الذكاء؟
ان تجد ركن للغرفة

10- ماهو قمة الالم؟
التزحلق على زحلاقة مغطاة بشفرات حلاقة وشظايا الزجاج

11- ماهي قمة العذاب؟
السقوط بعد ذلك في حوض به كولونيا

12- ليه الهرم فيه حتة حديد من فوق؟
عشان يتشال منها وينضفوا تحتيه

13- ايه الشبه بين الجورنال والشمس ؟؟
الاتنين بيطلعوا الصبح

14- ايه الشبه بين التفاح والكمثرى ؟؟
الاتنين مش جوافة

15- ايه الفرق بين الصحراء وايام الاسبوع وموس لورد ؟؟
الصحراء مفيهاش حد / ايام الاسبوع فيها حد / موس لورد فيه حدين

16- واحد وقع من الدور التاسع لقى ايه؟؟
لقى مصرعه

17- ليه الارنب مبيعديش من قدام القهوة ؟؟
بيخاف من السحلب المكار

18- دكتور اسنان ارتكب جريمة يسجنوه فين ؟؟
في سجنال تو

19- ليه نابليون كان بيقعد قدام التلاجة ؟؟
عشان يطمن علي حملة فريزر

20- ايه هي قمة الادب ؟؟
انك تخبط على التلاجة قبل متفتحها

21- ايه هي قمة الصبر ؟؟
انك تستنى حد يفتحلك

22- ايه هي قمة الدهشة ؟؟
حد يفتحلك فعلا

23 - إيه وجه الشبه بين الحلاق وجورباتشوف ؟
الإتنين بيتعاملوا مع الروس

24- إيه وجه الشبه بين القمر وصينية البطاطس ؟
الإتنين ميتعملوش عصير مانجو

25- إيه العلاقة بين الكمبيوتر والحفرة ؟
الكمبيوتر حاسب آلى أما الحفرة حاسب لتقع

26- ليه الأرجنتين مش بيزرعوا تين ؟
لأنها دولة لا....تينية

27- إية الفرق بين الزيتون والليمون ؟؟
التانى بيتعمل لاموناته والأول ما بيتعملش زاتوناتة

28- واحد بيحدف زلطة على بيت ازاز والبيت محصلوش حاجة ليه؟
عشان الزلطة مجتش فيه

29- طب كتكوت بيعدي الشارع و فجأة مات .. ليه؟
الزلطة جت فيه

30- حاجه طايره فى السما وبتقول نياو ايه هى؟؟؟
قطه بيضاء مضروبه بالشلوت

31- طب حاجه سوده طايره فى السما وبتقول نياو ايه هى؟؟؟
غراب بيستهبل

من طرف **SHEVO** الخميس يناير 21, 2010 1:56 am

ههههههههههه
موضوع جميل يا نور
بس ناقص اعمليلو حلقات بقا
علم الرخامة دا كبيرررر
انتى جيبتى اول صفحة بس

من طرف **سكر** الجمعة يناير 22, 2010 2:37 pm

هههههههههههه
شيفو ونور الفجر عندي في قسم النكت يا هلا بالغاليين لو كنت اعرف انكو جايين قسم النكت كنت فرشت الارض زغازيغ

فكرة شيفو حلوه المفرض يا نور تعملي رسالة ماجستير في علم الرخامه عشان نديها حقها

من طرف **نور الفجر** الجمعة يناير 22, 2010 3:07 pm

شكرا يا سكر على الترحيب ده
بس عرفت ان الزغازيغ غاليه اوى
وبعدين انا بحضر الماجستير فى الرخامه بالفعل

موسوعه الرخامه

موسوعه الرخامه

رد: موسوعه الرخامه

رد: موسوعه الرخامه

رد: موسوعه الرخامه