ايه يا جماعه فى ايه؟

من طرف **toufan 4 ever** الثلاثاء سبتمبر 22, 2009 9:58 pm

انا لسه مشتركه ما بقليش شهر .وفى رمضان كانت المشاركات كتيره بالرغم من اننا المفروض كنا بنقرا قران ونصلى التراويح وبنعمل حاجات كتير.دالوقتى ما فيش مشاركه ليه يا جماعه دا انا شفت اسماء اعضاء كتير وما لقتهمش مشتركين من فتره طويله.
اتمنى من جميع الاعضاء المشاركه والتفاعل مع المنتدى اكتر من كده .امال فى الدراسه هتعملوا ايه .موجود فى المنتدى حوالى 160عضو .ما فيش الا حوالى 7 او 8 الى بيشتركوا .
اتمنى منكم التواصل والعطاء والتفاعل مع المنتدى.
شكرااااااااااااااااااااااااااااااااا ليكم واتمنى لكم الصحه والعافيه.

من طرف **SHEVO** الثلاثاء سبتمبر 22, 2009 10:21 pm

فعلا مفيش مشاركات كتير وفى اعضاء كتير مبقاش المنتدى من اهتماماتهم
اتمنا التفاعل ورجوع الاعضاء للمشاركات الفعالة
وان شاء الله انا متوقع ان فى الدراسة المشاركات هاتزيد

وشكرا يا toufan 4 ever
وربنا يجعل موضوعك
سبب لرجوع المشاركات
الفعالة

يا ريت يكون فى مشاركات جيده ويزيد عدد الاعضاء المشاركين santa

من طرف **SUN** الثلاثاء سبتمبر 22, 2009 10:59 pm

موضوع كويس بس بردوا هيوصل للناس اللى بيشاركوا وبس
وياريت بجد كل واحد فينا يبدأ من نفسه

من طرف **Rabko** الأربعاء سبتمبر 23, 2009 1:09 am

بشكرك يا toufan 4 ever علي حماسك واهتمامك بمستوي المشاركات بالمنتدي وبشكر SHEVO
والقناع الذهبى و SUN
اول ما المنتدي بدأ كان عدد الاعضاء لا يتعدي 25 عضو كان في مستوي مشاركات عالي جدا وكان في روح عاليه بين الاعضاء ان شاء الله هيكون مستوي المشاركه عالي في الفتره الجايه رغم انها فترة دراسه . احد اهم الاسباب عدم المشاركه في المنتدي هي ان بلدنا مفيهاش روح التعاون وإنخفاض ثفافة المشاركه في المنتديات كتير من الشباب لاسف مش بيعرف يسجل عضويه او يرد علي موضوع معظم مستخدمي الانترنت في السفاينه لا يجيدون غير التشات .

ليس علي محبي المنتدي سوي نشر المنتدي بين اصدقائهم ومساعدتهم في التسجيل أعلم ان محبي المنتدي فعلو ذلك لكن عليهم الاستمرار وعدم اليأس . كنا 25 اصبحنا الان 160عضو
مستوي الحوار والنقاش منخفض لكن مع زيادة عدد الاعضاء المشاركين وليس المسجلين سيكون المنتدي احسن حالا بإذن الله

من طرف **toufan 4 ever** الأربعاء سبتمبر 23, 2009 1:45 pm

اشكركم على المسانده دى
واتمنى ان يحدث ما نريده الا وهو المشاركه من جميع الاعضاء فى كل المواضيع

من طرف CriStianO الأربعاء سبتمبر 23, 2009 11:52 pm

انا بقول كدا بردو وكمان لو نشترى دومين للمنتدى يبقى كدا زى الفل اوى وباذن الله هانخلية احسن منتدى وكل سنة ووانتم طيبين

من طرف **toufan 4 ever** الأحد سبتمبر 27, 2009 1:05 am

برضه يا جماعه ما فيش مشاركات .الناس الى دخلت امبارح هى الى دخلت النهاردا وشكلها هى الى هتدخل بكره .
نعمل ايه بس دا حتى ما بيكملوش خمسه اعضاء .حتى الردود قليله .
يا مسهل يا رب.

من طرف **SUN** الأحد سبتمبر 27, 2009 10:56 am

تعرفى اصلا لو اللى بيدخلو دول يعملو مشاركات يبقى كويس
لكن بردوا بيدخلو يتفرجو ويخرجو
وكمان لو نشترى دومين للمنتدى يبقى كدا زى الفل اوى
ايه دومين دا ؟

من طرف **toufan 4 ever** الأربعاء سبتمبر 30, 2009 10:42 pm

الحمد لله انا شيفه الحركه زادت شويه فى المنتدى ربنا يزيد ويبارك .ويا ريت ما نكسلش .
شكررررررررررا.

من طرف **toufan 4 ever** الأربعاء أكتوبر 07, 2009 1:01 am

احنا بنشكر اداره المنتدى لانها مش راضيه تغير شكل المنتدى الى احنا مش شايفين منه حاجه .الخط صغير قوى احنا طلبه وعنينا تعبانا .نكبر بقى الخط مش هيبقى الكليه والمنتدى علينا. Question