حكايه عمرو وبهانه لازم تعرفها

من طرف جاره القمر السبت مايو 09, 2009 2:57 pm

من يومين وانا راجع من الكليه واول مادخلت البيت فاجاتنى امى (حفظها الله) بخبر يفرح..(هنخطبلك النهارده ياعمرو الف مبروك لولولولوللللللللللللللللى) ..

تخطبيلى ايه بس ياماما مش نخلص المخروبه الكليه دى وبعدين نشوف هنعمل ايه فى المستقبل اللى زى وش فلافيو وبعد كده نخطب ..

(اسكت ياعبيط...اللى هو انا يعنى ...دى بهانه جارتنا انت مش فاكرها ولا ايه؟ انتو كنتو بتلعبو مع بعض وانتو صغيرين لما شفتها النهارده لقيتها كبرت وبات زى القمر ) وتضيف الست ماما (حفظها الله) والنبى خساره فيك بس نعمل ايه انت الواد الحيله وعاوزين نفرح بيك بدرى ونشوف ولادك بيتنططو حوالينا (معلش اصل ماما بتحب تتفرج على الافلام العربى القديمه)...

-بس ياماما دى اسمها بهانه حد يتجوز واحده اسمها بهانه ياناس .
-والنبى حتى لو اسمها زليخه برعى عبد ربه عوضين برضه هتتجوزها.
-ايه ده ياماما اسم ده ولا مركب كيميائى؟.ربنا يسامحك ياامى.
وفى المساء لبست واتشيكت ورفعت الشعرتين وكله تمام (اسم النبى حارسك ياضنايا) امى موجهه الكلام لى واعقبتها بقبلتين ..والى بيت بهانه توجهنا ومعنا 2 كيلو موز وعلبه شيكولاته (والنبى خساره فيكى يابهانه )...وفى الصالون تبادلت الست امى والست ام بهانه التحيات والقبلات بمبالغه كالتى نراها فى القمم العربيه ..وماهى الا دقائق قليله حتى هبت عاصفه بهانه ..يانهااااااااااااااااار اسود ايييييييييييييييه ده مين العفريته دى؟..عاوزين تقنعونى ان دى بهانه ؟ اللى كانت طفله بريئه واللى لما كنت اضربها على قفاها لاتفعل شيئا اكثر من الابتسام؟..ايه اللى حصلها وايه الوان الطيف اللى فى وشها ده؟.دى شكلها متكهربه دى اكيد حاولت تقلد ممثله مشهوره بس الماكياج خدعها هوفى ايه النهارده؟ انا اصلا اول ماشفت الواد فتحى وقلت اليوم د مش هيعدى على خير..

وهامسا لامى (باه هى دى العروسهاللى زى القمر؟..حرام عليكى ياشيخه تعملى كده فى ابنك
-هششش(امى موجهه الكلام لى) اسكت ياكحيان ياعدمان بس ترضى بيك الاول ياللى مفيش بنت تعبرك..
-ليه ان شاء الله دا انا بكره اخلص الكليه واشتغل
ب200 جنيه بحالهم وشوفى باه هعمل بيهم ايه وايه و...
-اسكت ياخايب ده ولاء ابن عمتك (ولاء ده ولد على فكره)شغال بقاله 3 شهور بس وبيقبض 240 جنيه بحالهم انا طول عمرى بقول ربنا خيب املى فيك...اسكت اسكت خلينا نشوف هنقول ايه..
ولاننا جيران ويعرف كلانا عن الاخر كل شئ تمت الموافقه والاتفاق بسرعه على ان بعدالامتحانات شكبه وكتب كتاك ...اقصد شبكه وكتب كتاب
وخير البر عاجله ...ولما رجعت الى البيت احسست بقهر..باه اخرتها اقع فى بهااااااااااانه...يانهار رمادى ياجدعاااااااان..

ربنا مايوقعكو وقعه زى دى..